Literary: Sindihan ang Parol

SINDIHAN ANG PAROL

Sindihan ang makukulay na parol

Sa ihip ng hangin ay sumasayaw

Bawat parol ay masayang patungkol

Sa Berbong isinilang sa mundong ibabaw

Magsabit ng parol sa mga bintana

Tanda ng pakikiisa sa tunay na diwa

Ng Paskong sadyang kahali-halina

At pananabik na mahirap magbawa

Talang gumabay sa tatlong pantas

Ang unang parol na mula sa itaas

Nagturo sa sabsaban ng Mesiyas

Nagliwanag ng walang pingas

Bawat parol na nakasindi’y tanda

Ng presensya ng Diyos na dakila

Satahanang laging nakahanda

Sa pagdating ng Manunubos ng sala

Isabit na ang parol at sindihan

Sabayon ng panalanging mataos

Liwanag ng parol sana’y maglagos

Sa puso’t diwa ng bawat katauhan

ECH