Literary: Tuloy Ang Pasko

Sino ang pipigil sa Pasko

Gayong ito’y katuparan ng pangako

Diyos na nagkatawang tao

Sa mundo’y dumating at nakihalubilo

Sangkatauhang lito at nakalugmok

Naghahanap ng ligayang marupok

Sa pagsilang ng Mesiyas na sanggol

Tao’y nakasumpong ng tagapagtanggal

Sukdulan man ang dami ng pagsubok

Sa buhay ng mga maralitang dayukdok

Luha, hapis, sakit at dagan-dagang himutok

Dahilan ba ito upang Pasko’y maging pamatok?

Batid ng Lumikha ang lahat ng bagay

Sa Kanya’y walang maikukubling palagay

Sa timbangan Niya’y lahat pantay-pantay

Kaya Pasko’y dapat may tuwang hinihintay

Pasko’y handog ng Diyos na maawain

Sa Tao’y pamanang di kayang sukatin

Tuloy ang Pasko dagsa man ang alalahanin

Si Emmanuel, ang Diyos ay nasa piling natin

EMI