Literary: Namamasko Po

Tao po! Tao po! Namamasko po!

Ito ang sadya sa pagparito

Kahit barya’y tatanggapin po

Kung maluwat sa kalooban ito

Tao po! Tao po! Namamasko po!

Ito ang sadya sa pagparito

Dampa nami’y inanod ng baha

Wala ng babalikan kahit lumuha

Tao po! Tao po! Namamasko po!

Ito ang sadya sa pagparito

Bunso’t nanay ko’y nalunod

Nalibing sila ng walang puntod

Tao po! Tao po! Namamasko po!

Ito ang sadya sa pagparito

Tanim ng palay at gulay lumubog

Anong aanihin, dapat bang magdabog?

Tao po! Tao po! Namamasko po!

Ito ang sadya sa pagparito

Kahit barya’y tatanggapin po

Kung maluwat sa kalooban ito

EMI