Literary: Himig Pasko

Mga himig pamasko sa radyo’y maririnig

May siglang inaawit sa masayang tinig

Bata’t matanda’y sumasabay sa awit

Kahit sintonado’y nagpipilit humirit

Sari-saring paksa ang isinasaysay

Ng bawat himig na mabilis at malumanay

Sa Ingles o Filipino ma’y walang sablay

Sa pagdudulot ng aliw sa buhay

Ano nga ang Pasko kung walang himig

Paano ngingiti ang pusong halumigmig

Ano ang pakikinggan sa gabing malamig

Kung ayaw umawit ng mga kuliglig?

Buksan ang bintana’t malasin ang paligid

Pasko’y narito na’t may dalang pagpapala

Awitan ang sanggol sa gusgusing silid

Na tanging handog ng diyos na dakila

Pag-ibig ang tunay na himig pasko

Diyos ang nagkaloob sa tao

Lakip ang pmaaasahang pangako

Pagmamahal Niya’y laging totoo

-EMI