Literary: Nasaan ang Sanggol?

Huwag mong ikabigla ang pagkawala

ng banal na sanggol sa sabsabang aba.

Naroon Siya sa dampa ng mga maralita

Nakikisalo sa kanilang hirap na binabata.

Huwag mong ikagulantang ang pagkawala

ng banal na sanggol sa sabsabang aba.

Naroon Siya sa bilangguan ng mga nagkasala

Nagpapatawad, nagmamahl at nagpapala.

Huwag mong ipagtaka ang pagkawala

ng banal na sanggol sa sabsabang aba.

Naroon Siya sa bahay amounan ng mga ulila

Nagbibigay ng tuwa’t pag-asa sa nangungulila.

Huwag mong ikagimbal ang pagkawala

ng banal na sanggol sa sabsabang aba.

Naroon Siya sa hanay ng mga nakikibaka

Nakikisigaw, nakikisangkot, nakikiisa.

Huwag mong ipag-alala ang pagkawala

ng banal na sanggol sa sabsabang aba.

Naroon Siya sa tahanan mong maganda

Naghihintay ng tugon sa Kanyang paanyaya

ECH