Literary: Sabihin Kay Santa

Sabihin mo kay Santa Klaws na di

lamang sa panahon ng kapaskuhan

siya dapat dumalaw. Maikli ang

pasko. Mahaba ang panahon ng

pangangailangan, pagsasalat, pagdarahop.

Sabihin mo kay Santa Klaws na maging

masusi sa pamimili ng mga aginaldong

kanyang ipapamaigay. Iwasan ang mga

kendi, biskwit, keso de bola’t gatas na

may melamine. Saglit ang tuwa, mahaba

ang dusa.

Sabihin mo kay Santa Klaws na higit

niyang pagsumikapang ipamudmod ang

diwa ng pagkakaisa, pagkakapatiran,

pagmamahala’t kapayapaan sa bawat

bansa’t lipi sa mundo. Maamo ang dilim,

mailap ang liwanag.

Sabihin mo kay Santa Klaws na turuan

niyang magbanat ng buto’t tumayo sa

sariling mga paa ang tanang kanyang

tinutulungan. Mabuti ang napatutulong,

masama ang sumasandal na lamang sa tulong.

Sabihin mo kay Santa Klaws na magbawas

siya ng timbang. Baka siya atakihin sa

puso habang nasa misyon.

ECH