CORAZON: IBA’T IBANG MUKHA

(Photo from Inquirer.net)

KABIYAK ng lalaking nagbuwis

ng buhay sa ngalan ng kalayaan

ILAW NG TAHANANG patuloy

ng nagliwanag sa gitna ng karimlan

MATER DOLOROSA sa asawang

pinaslang  at bunsong mapagsapalaran

MARTIR sa matitinding pagtitiis

sa sakit na sumubok sa tibay ng katauhan

BABAE NG PANALANGIN na tuwina’y

nagrorosaryo’t nananalig sa Kaitaasan

GINANG ng mapayapang rebolusyong

nagbigkis sa watak at dungong lipunan

INA NG DEMOKRASYANG nagbalik

sa bayang api’t siil ng katarungan

IMAHENG DILAW na nagsabog

ng liwanag sa bayang piniringan

PINUNO ng bansang gumapang

sa lusak ng dusa’t karalitaan

BABAE NG TAON na nagsilbing

inspirasyon sa tanang kababaihan

PINAY na huwaran sa kilos

at pag-uugali at dangal ng sambayanan

By:  EMI, Filed under Literary and Filipino