Masayang mamili sa ukay-ukay
Dagsa sa mga panindang makukulay:
Bestida, pantalon, kamiseta, tokong
Tsinelas, medyas, sapatos at paying
Bawat bagay na dito’y mabili
Sampal sa mukha ng mamimili
Tadyak sa dangal ng nawiwili
Alipusta sa ngalan ng makasarili
Malinaw kang tanda ng kahirapan
Sa baying lugmok sa karalitaan
At mahilig mamulot ng mumo kung saan
Sa ukay-ukay ba’y magkano ang pangalan?
EMI
No comments:
Post a Comment